ਜੇਕਰ ਕੋਈ ਵਿਅਕਤੀ 16 ਸਾਲ ਤੋ ਘੱਟ ਉਮਰ ਦੇ ਨਾਬਾਲਗ ਲੜਕੇ ਨੂੰ ਜਾਂ 18 ਸਾਲ ਤੋ ਘੱਟ ਉਮਰ ਦੀ ਨਾਬਾਲਗ ਲੜਕੀ ਨੂੰ ਜਾਂ ਪਾਗਲ ਵਿਅਕਤੀ ਨੂੰ ਉਹਨਾਂ ਦੀ ਕਾਨੂੰਨੀ ਸਰਪ੍ਰਸਤੀ ਵਿੱਚੋਂ ਸਰਪ੍ਰਸਤ ਦੀ ਸਹਿਮਤੀ ਤੋਂ ਬਿਨਾਂ ਜਾਂ ਬਹਿਕਾ-ਫੁਸਲਾ ਕੇ ਲੈ ਜਾਂਦਾ ਹੈ ਤਾਂ ਕਿਹਾ ਜਾਵੇਗਾ ਕਿ ਕਾਨੂੰਨ-ਪੂਰਨ ਸਰਪ੍ਰਸਤੀ ਵਿੱਚੋਂ ਅਗਵਾ ਕੀਤਾ ਗਿਆ ਹੈ। ਵਿਆਖਿਆ- ਇਸ ਧਾਰਾ ਵਿੱਚ ਕਾਨੂੰਨੀ ਸਰਪ੍ਰਸਤ ਸ਼ਬਦਾਂ ਵਿੱਚ ਅਜਿਹੇ ਨਾਬਾਲਗ ਜਾਂ ਹੋਰ ਵਿਅਕਤੀ ਦੀ ਦੇਖਭਾਲ ਜਾਂ ਹਿਰਾਸਤ ਲਈ ਕਾਨੂੰਨੀ ਤੌਰ ਤੇ ਥਾਪਿਆ ਗਿਆ ਕੋਈ ਵੀ ਵਿਅਕਤੀ ਸ਼ਾਮਲ ਹੈ। ਅਪਵਾਦ- ਇਸ ਧਾਰਾ ਦਾ ਵਿਸਤਾਰ ਕਿਸੇ ਅਜਿਹੇ ਵਿਅਕਤੀ ਦੇ ਕੰਮ ਤੇ ਨਹੀਂ ਹੈ ਜਿਸ ਨੂੰ good faith ਨਾਲ ਇਹ ਵਿਸ਼ਵਾਸ ਹੈ ਕਿ ਉਹ ਕਿਸੇ ਨਾਜਾਇਜ਼ ਬੱਚੇ ਦਾ ਪਿਤਾ ਹੈ ਜਾਂ ਜਿਸ ਨੂੰ good faith ਨਾਲ ਇਹ ਵਿਸ਼ਵਾਸ ਹੈ ਕਿ ਉਹ ਅਜਿਹੇ ਬੱਚੇ ਦੀ ਕਾਨੂੰਨੀ ਸਾਂਭ-ਸੰਭਾਲ ਦਾ ਹੱਕਦਾਰ ਹੈ ਪਰ ਜੇਕਰ ਅਜਿਹਾ ਕੰਮ ਅਨੈਤਿਕ ਜਾਂ ਗੈਰ ਕਾਨੂੰਨੀ ਉਦੇਸ਼ ਲਈ ਨਾਂ ਕੀਤਾ ਗਿਆ ਹੋਵੇ।